It pompeblêd is ûntliend oan de sân pompeblêden
dy't foarkomme yn'e Fryske flagge.

Der wurdt oannaam dat dy de sân Fryske seelânnen
oan de ein fan'e midsieuwen ôfbyldzje. Dat wiene
doetiids ûnôfhinklike lânnen, lizzend oan it waad
tusken de stêd Alkmaar yn it westen en de rivier de Weser
yn it easten en ferienige yn in Ferbûn.

Fertsjintwurdigers fan dy seelânnen kamen alle jierren
op pinkstertiisdei byinoar yn Aurich (East-Fryslân)
by de upstalbeam (gerjochtsplak fan it ferbûn).